Cov lus nug tas li

Cov mejyig (tub ntxhais kawm ntawv) yuav pom tau tias qhov ceev tshaj, yoojyim tshaj thiab zoo tshaj mus los nyob hauv tsev kawm ntawv yog mus ko taw, caij lub thij, los caij npav.  Peb tsis xav kom cov mejyig coj tsheb tuaj rau hauv tsev kawm ntawv vim tsis muaj chaw nres tsheb ntau thiab kim heev.  Muaj nrog rau hauv tus nqi them kawm ntawv yog daim pib caij npav muaj nyob ntawm lub Associated Students of Madison uas pub cov mejyig caij nroog Madison cov npav dawb.  Madison Metro lub website muaj qhia cov kev thiab caij npav khiav raws.

Center for Leadership and Involvement txhawb kev tus mejyig koom lwm yam yog ib qho tseem ceeb rau ntawm kev kawm uas muaj txhawb thiab muaj cov kooshaum cov mejyig yog cov tuav.

Multicultural Student Center muaj kev kawm sab nraum cov hoob kawm rau cov mejyig thiab lwm tus ntawm ib tsoom hauv tsev kawm ntawv kawm thiab nco txiaj ntsim txog kab ke lwm haiv neeg.

University Recreation & Wellbeing muaj ntau lub caij rau koom thiab ntsib lwm tus mejyig raws lawv cov Intramural Sports Program rau cov nyuam qhuav xyaum txog rau cov txawj heev.

Nrhiav ib txoj haujlwm hauv tsev kawm ntawv ua kuj yog ib txog kev zoo heev kom muaj kev cia siab thiab ntsib nrog lwm tus mejyig. Feem ntau caij ua cov haujlwm hauv tsev kawm ntawv muaj yoojyim kom txhob tau ua num lub caij muaj hoob kawm. Lub Student Job Center website tso cov haujlwm hauv tsev kawm ntawv thiab sab nraum tib si.

Lub Morgridge Center for Public Service ua tau yoojyim rau cov mejyig muaj kev koom rau hauv zej zog. Kev pab ib tsoom pejxeem ua tau lawv ntsib cov neeg tshiab, pab tau cov kooshaum hauv zejzog ua num pab pejxeem, thiab tau txais kev txhawb siab thiab kev khiav ua dej num.

Nyob hauv University of Wisconsin–Madison, nqi kawm ntawv thiab nqi tsev nyias xa/them nyias.Daim nqi kawm ntawv xa rau tus mejyig qhov chaw nyob muaj tso hauv lawv qhov Student Centers vasthiv kawg thaum lub Yim Hli. Kom xa daim nqi kawm ntawv rau tshaj ib qho chaw nyob, koj tus menyuam yuav tau ntxiv qhov chaw nyob thib ob rau hauv lawv daim Personal Information ntawm lawv lub Student Center. Ob peb qho them tuaj rau tib daim nqi ntawv (tuition bill) los yeej tau.Yog koj tus menyuam nyob hauv University Housing, lawv yuav tau txais plaub daim nqi (peb hlis ib daim). Tag nrho cov nqi them tsev nyob yuav xa rau tus mejyig tus wisc.edu email hauv UW–Madison. Cov mejyig kuj ua tau pub niam txiv thiab lwm tus muaj peexvwm saib tau tus mejyig daim nqi tsev nyob online thiab tso cai rau lawv yog tus them tus menyuam daim nqi tsev nyob hauv tau (authorized payer) nyob hauv kev them nqi online. Cov niam txiv npaj yuav them cov nqi yuav tau kom lawv tus menyuam tso niam txiv qhov chaw nyob raws qhov xa nqi rau nyob hauv My UW portal.

Qhov UW–Madison campus debit card program, Wiscard, yog ib qho ua tau ceev tshaj, tsis muaj teeb meem, thiab ib qho kev yoojyim yuav mov, cov khoom siv rau kawm ntawv, thiab lwm yam ntau. Muaj ntau tshaj 45 qhov chaw hauv tsev kawm ntawv yuav daim Wiscard , thaum muab UW–Madison daim duab ID nrog. Nws pub koj tso tau nyiaj rau, xyuas saib tshuav puas tsawg, thiab kaw daim card nyob online yog nws ploj lawm.

Nyiaj tso ntxiv tau rau koj tus menyuam daim Wiscard txhua lub sijhawm. Nws muaj plaub txoj kev rau koj los koj tus menyuam tso tau nyiaj rau koj tus menyuam daim Wiscard.

• Online: Nkag mus saib tso nyiaj ncaj nraim rau hauv lub Wiscard website.
• Hu xovtooj (siv lus Askiv):
  • Tso nyiaj rau Campus Cash thiab Union Meal, hu 608-262-3258.
  • Tso nyiaj yuav mov hauv tsev nyob los Housing, hu 608-262-2230.
• Xa daim nyiaj (check): Teev daim ntawm deposit form kom yog thiab xa rau qhov chaw nyob yog. Nco ntsoov tso koj tus menyuam tus lej ID rau qhov memo ntawm daim nyiaj.
• Mus kiag:
  • Rau Campus Cash & Union Meal, mus ntawm Wiscard Office nyob 1308 W. Dayton St.
  • Rau yuav mov hauv tsev nyob (Housing), mus ntawm Division of University Housing Cashier’s Office ntawm 625 Babcock Drive.

Kev nco tsev yeej yog ib qho muaj! Raws li txhua lub caij muaj kev pauv loj, cov mejyig yuav muaj qhov zoo siab thiab tu siab. Muaj coob tus mejyig yuav nco nco tsev rau lawv thawj xyoo, tabsis lawv tsis tham txog xwb.Kom nco tias txhua tus menyuam kev mus kawm ntawv qib siab yog ib qho zoo, nov yog ib co tswv yim rau kev koj txhawb koj tus menyuam rau lub caij no.

• Cuab koj tus menyuam zog kom nco tias tsis yog nws tib leeg xwb. Muaj coob tus mejyig xav tib yam li nws, tabsis lawv tsis tham rau lwm tus mejyig paub xwb.
• Qhib siab lug mloog thiab cuab zog. Qhia koj tus menyuam paub tias kom xav tias nws yeej yuav kawm tau.
• Cuab zog kom koj tus menyuam nrog University Housing cov neeg ua num tham, xws li lawv tus House Fellow los RA. Qhov no pab tau zoo yog tias nws nco niamtxiv /tsev los muaj teeb meem txog tus neeg nws koom nyob chav tsev.  Cov House Fellows tau kawm thiab paub txhawb cov mejyig txog kev nco niamtxiv/tsev.  Lawv kuj paub cov chaw thiab neeg txawj pab tau koj tus menyuam thiab.
• Cuab zog kom koj tus menyuam ntaus phooj ywg nrog lwm tus. Rau ib txhia mejyig, tej zaum nws yuav zoo dua nrhiav lwm tus mejyig uas nws tsis muaj phoojywg thiab tham nrog. Rau lwm cov, tej zaum yuav zoo dua ntaus phoojywg nrog ib pab mejyig. Qhov twg los, kom nco ntsoov hais rau koj tus menyuam tias txawm thawj zaug nws ntaus tsis tau phooj ywg, zaum ob los peb nws yuav tsum ntaus tau phooj ywg.
• Cuab zog kom koj tus menyuam mus koom kev sib tham muaj rau cov mejyig thiab koom nrog cov koos haum cov mejyig yog cov tuav. Nws muaj tshaj 850 lub koos haum cov mejyig tuav nyob hauv UW–Madison. Cov mejyig yuav tsum ua ntxiv tej yam lawv nyiam (xws li tej yam yuav pab kom lawv paub ntxiv uas ua tau lawv nkag tau tuaj kawm ntawv hauv no), thiab sim ua tej yam tshiab. Ua num pab dawb los ua haujlwm them nyiaj kuj yog cov kev muaj tau phoojywg nrog lwm tus mejyig thiab kawm tau lwm yam sab nraum kev kawm ntawv.
• Lub University Health Services Counseling Center kuj yog ib qho chaw pab zoo heev, tsis pub leej twg paub rau cov mejyig nco niamtxiv/tsev.  Rau kev pab tam sim txog tu siab/nyuaj siab, muaj kev pab teeb meem loj/ceev 24-xuabmoos rau cov mejyig hauv UW–Madison, thiab lwm tus txhawj txog ib tug mejyig hauv UW–Madison, uas hu tau 608-265-5600.

Tsev kawm ntawv muaj ntau yam kev pab dawb pab kom cov mejyig ua cuag lawv cov homphiaj rau kev kawm.

• Qhov Greater University Tutorial Service (GUTS) pab nrhiav cov tutors pab qhia dawb rau UW cov mejyig rau cov hoob lawv kawm, pab qhia saib ntawv npaj xeem, tham lus Askiv, thiab sib qhia txog kab lig kev cai.
• Lub Writing Center pab cov mejyig kawm txhua yam kom sau tau zoo, txhob ntshai sau ntawv. Lub chaw no pab ib tauj ib, cov hoob kawm, thiab muaj caij qhia tswv yim sau ntawv.
• Lub  McBurney Disability and Resource Center yog ib qho chaw pab hauv tsev kawm ntawv rau cov mejyig xiam tes taw, hlwb khiav qeeb, nco tsis tau zoo, thiab kawm tau qeeb. Muaj cov kev pab xws li pab kom xeem tau ntawv, txhais lus, pab sau tseg tej qhov tseem ceeb thaum tus xibfwb piav, pab twm ntawv, thiab tso/cuv npe rau cov hoob.
• Qhov kev pab Class Connections nyob hauv cov tsev nyob (University Residence Halls) pab cov mejyig nrhiav lwm tus kawm tib hoob uas nyob ze, thiab teem caij rau lawv pib sib ntsib sib pab saib ntawv. Muaj cov mejyig pab qhia dawb tseem kawm nyob undergraduate thiab graduate qhia txhua hnub kawm ntawv thaum tsaus ntuj hauv cov tsev nyob rau chemistry, lej, thiab sau ntawv.
• Qhov Mathematics Tutorial Program muaj qhia tej pawg tsawg rau cov mejyig kawm cov hoob kawm lej. Cov caij ib zwj/vasthiv muaj ob zaug pab tswv yim laij leb thiab muaj kom yuav tsum mus koom. Kuj muaj pab ib tauj ib tib yam.
• Lub Chemistry Learning Center pab cov mejyig kawm ob hoob general thiab organic chemistry kom lawv kawm tau zoo thiab lawv kawm tau lawv. Yog ib qho pab txhawb uas cov mejyig tuaj ua ib pawg me me nrog cov neeg ua haujlwm pab tswv yim kom paub txog cov tshuaj los npe kawm txog muaj zoo li cas.
• Qhov Physics Peer Mentor Tutoring (PMT) yog ib qho kev pab qhia ib pab tsawg rau cov mejyig kawm ob hoob Physics 103 thiab 104 uas nyob rau tej pawg neeg tsis muaj coob tus(xws li neeg dub los dub hau) kawm sciences, rau cov mejyig xav tau kev pab (xwsli cov pauv lwm lub tsev kawm ntawv los thiab cov laus rov tuaj kawm ntawv), thiab rau cov mejyig tau rho npe tawm yav tas nyob hauv physics. Qhov kev pab no yog ib qho chaw txhawb kom kawm tau physics. Cov mejyig mus pib koom thaum twg los tau rau lub caij kawm ntawv (semester) ntawd.

Ntxiv, UW–Madison muaj tshaj 40 lub tsev cia ntawv (libraries) nyob hauv thaj chaw kawm ntawv, 8 lab phau ntawv thiab journals, 6.2 lab cov microfilm, thiab pua pua phav nomtswv tej ntaub nawv, maps, musical scores, thiab kas sev mloog thiab saib (audiovisual materials). Ntxiv rau nrhiav ntaub ntawv nyob online, cov mejyig siv tau e-mail los siv instant messaging xa cov lus nug raws campus library links nrog rau kev muaj koom ncig saib cov tsev cia ntawv thiab cov hoob qhia siv tsev cia ntawv.

University Health Services (UHS) yog qhov chaw kuaj mob rau kev noj qab haus huv hauv tsev kawm ntawv, thiab rau tag nrho cov mejyig tseem kawm ntawv hauv UW–Madison. UHS muaj kev pab zoo kuaj mob, pab kev nyuaj siab, thiab tswj kom txhob mob los muaj teeb meem.

Cov neeg ua num hauv UHS yog ib pawg paub lawv txoj haujlwm zoo heev. Lawv muaj kuaj mob nrog kev kuaj lwm yam txawv uas xyuas cov kev txhawj cov mejyig muaj. Nyob rau qhov chaw ncaj kev ntawm tsev kawm ntawv, UHS muaj ntau yam kev pab nyob rau ntau qhov chaw kuaj, xws li thawj tug kws kuaj mob mus ntsib (Primary Care), noj qab haus huv rau cov pojniam (Women’s Health), kev ua nkauj ua nraug (Sexual Health), pab daws kev nyuaj siab (Mental Health Counseling), ntsuam xyuas kev xav (Psychiatry), kev fab/hno tshuaj tiv thaiv (Allergy/Immunization), xyuas kom txhob muaj teeb meem rau ntawm haujlwm (Occupational Medicine), qoj los zuaj ib ce (Physical Therapy), mus ncig lwm lub tebchaws (Travel), thiab noj qab haus huv (Wellness).  Kev pab kuj muaj xws li chaw nqa tshuaj hauv tsev kawm ntawv thiab.

UHS qhib hnub Zwj Hli (Monday), Zwj  Quag (Tuesday), Zwj Teeb (Thursday), thiab Zwj Kuab (Friday) thaum 8 teev 30 sawv ntxov-5 teev tsaus ntuj CST, thiab Zwj Feej(Wednesday ) 9 teev sawv ntxov -5 teev tsaus ntuj CST. Thaum UHS kaw lawm, cov mejyig thiab lawv tsev neeg yog muaj xwm txheej ceev rau kev nyuaj siab hu tau qhov mental health crisis line ntawm +1 (608)265-5600, nyem 9. Cov mejyig muaj kev txhawj txog kev muaj mob tham tau nrog cov kws kuaj mob nyob on-call Zwj Hli-Zwj Teeb thaum  5-9 teev tsaus ntuj CST, thiab thaum tav su -9 teev tsaus ntuj CST rau cov hnub so thiab caiv.

UHS cov nyiaj feem ntau tau los ntawm qhov Student Health Fee, ib qho nqi tsub nrog nqi kawm ntawv txhua tus mejyig them. Li ntawd nws thwm tau tias tag nrog cov mejyig siv tau UHS txhua lub caij lawv muaj npe kawm ntawv hauv UW–Madison. Nws tsis muaj nqi tsub ntxiv rau kev mus ntsib UHS, xws li kuaj mob, caij ntsib pab daws kev nyuaj siab, thaij fais fab, tso ntshav, thiab hno tshuaj thaiv khub thuas.

Nws kuj muaj tej qhov nqi yuav tau them mus ntsib UHS, xws li kev hno tshuaj thaiv kabmob thiab qoj/zuaj ib ce; saib cov nqi. Cov nqi no yuav tsis tau them yog cov mejyig yuav qhov paj kas phais Student Health Insurance Plan (SHIP).